جيت نحكي…

[et_pb_section admin_label=”section” fullwidth=”off” specialty=”on”][et_pb_column type=”3_4″ specialty_columns=”3″][et_pb_row_inner admin_label=”row_inner”][et_pb_column_inner type=”4_4″ saved_specialty_column_type=”3_4″][et_pb_text admin_label=”النص”]

بقلم: رميساء المرسني

layltawilعقاب ليل طويل …

عقاب نهار عيّشنا الويل…

عقاب أيّام زرعت الشّوك في الثّنايا …

عقاب بكا صبايا ونديب ولايا …

عقاب غصّة نواحي ونبرة صياحي…

 جيت نحكي… وكلامي عقاب ملامي …

وبعد جوع قلبي … على محبّتهم نويت صيامي …

عين علّي فات وعين علّي جاي قدّامي…

بيد حفّار قبري نمسح دموعي…

وبسُم قاتلي نسكّن وجيعة ضلوعي…

وبسمة ثغري هيّ مطموعي …

جيت نحكي… على تعبي من تصبير روحي…

على وجيعة جرح ساكن أجناب جروحي…

والرّوح انت داها ودواها … انت عطشها وانت شربة ماها…

وعقاب ليل جيتك …

بقلب مهموم وحضن من ريحتك محروم…

جيت نحكي… على قلب من مصيرو هارب…

على بخت من كاس الهم شارب…

على زمان فاتني وعلى موتي زارب…

على بدن تعب وكل ومل ولا نجّم يرتاح ولا نجّم يكمّل يحارب..

على صفحة فيها كتبنا أحلام ووعود…

وعلى ظهرها كذّبت أحلامي ورضيت بالموجود…

على لحظة هبوطي للسجود…

على لمعة دموع العين…

على شمعة حرقت صفحات ومحات سنين …

على خزرة مسمّة وعلى لمعة أجناب السّكين…

 نحكي … نبكي … همّي لروحي نشكي…

والدّنيا في كوارطها تمشكي. ..

نحكي وكلامي ما يوفاش …

وجيعتي قويّة … حرابشي ما تسكّنهاش … 

نحكيلك بلا ما نحكيلك …

نحكيلك ساكتة… وخزرة عيني بلا دموع تبكيلك…

نحكيلك بالتنهيدة … علّي غرسولي في القلب حديدة …

نحكيلك علّي نارهم في ليلي تخلّف نار جديدة…

نحكيلك بحروف دامية ودموع لهبت الجفن حامية …

نحكيلك ونحكيلك … وعقاب الليل دموعي تسيل …

ونتلفّت على خيالك نلوّج …

في زمان خوّان فيه عمري بالخسارة متوّج …

ونضيع في الزّحمة …

ناسية تسعة وتسعين وطالبة رحمة …

نلوّج عليك وعليّا …

لا لقيتك ولا لقيتني ولا دلّيت ثنيّة …

لا مت وتهنّيت ولا في دنيتهم كتبوني حيّة …

عايشة بين البينين …

وانت ساكن بين جنبي ليسار وجنبي ليمين …

لا خرجت منّك ولا خرجت منّي …

لا جيت عزّيتني في موتي ولا في عرسك جيت نهنّي …

عايشة لاحزان بلومتي وكبرت على صغر سنّي …

لا جيت نلوم …

ولا جيت ندعي بيك ونصبّر قلبي المظلوم …

جيت نحكي … وبعد ما نحكي … نشربك من كاس النسيان …

وانّسيك كلامي وملامي وعليك وعليّا نكتب سلامي وفي مقبرة أيامي ندفن أحلامي …

وننساك وننساني …

[/et_pb_text][/et_pb_column_inner][/et_pb_row_inner][/et_pb_column][et_pb_column type=”1_4″][et_pb_sidebar admin_label=”Sidebar” orientation=”right” background_layout=”light” area=”sidebar-1″ remove_border=”off”] [/et_pb_sidebar][/et_pb_column][/et_pb_section]

Please follow and like us:

اترك رد