جَرْدْ مْرَا…

[et_pb_section admin_label=”section” fullwidth=”off” specialty=”on”][et_pb_column type=”3_4″ specialty_columns=”3″][et_pb_row_inner admin_label=”row_inner”][et_pb_column_inner type=”4_4″ saved_specialty_column_type=”3_4″][et_pb_text admin_label=”النص”]

بقلم: صفاء البرجي

تُصْعُبْ تكُون الشَّامة صينيّة والحُولي مُحال يرجع لأمريكا اللاّتينيّة

العيوُن سودا و ڨتّالة تحْديدا من إفريقيّة

تڨتل غزرة الذّل وتعفّس عالكلمة الدُّونيّة

بين الحَاجبْ لَغنجْ والخدُودْ تنتڨْ بوسة الخالَة

الخَالَة قرطاجيّة و هي الحكايَة

زيدْ أغزرْ للمرَايَة فيكْ مْلامَحْ أكثرْ منْ 3000 سنَة حضارة

كانتْ فيهَا الكاهنة زعِيمَة ومعَاهَا الجازيَة الهْلاليّة

عزِيزَة عثْمانَة اللِّي عرفتْ حَقهَا وماسلمتشْ في الحُرِّيَة

دمّكْ السّارِي وفرُوعْ عرُو ڨكْ من علِّيسة التُّونسِيّة

إستِحالَة تكُون لسيدكْ جَارْية

انتِي أُم الزِّين ، مڨديّة

ثُرتْ لشَرْفكْ ، لَڨِّيتْ في ساعَة بلا تُخمامْ الكرتوشْ لصدركْ

رضّعتْ الهمَّة ، فكّان سلاسلْ القَمعْ ونفّست الحريّة لولدكْ

سڨِيتْ وطَا الخضْرا بعرڨكْ

انتِي أُم العينْ السُّودا تونسيّة

العينْ السّودَا ولّتْ حَمْرا كي ڨَالُو علِيكْ مُكَملَة

انتِي كْمالةْ الأرْضْ

انتي السُّتْرَة يُومْ العَرضْ

ماكشْ سُنَّة انتي فَرْضْ

انتي المحبّة ، انتي أَفْرُودِيتْ

انتي اللّي ثُرتْ وضعفكْ خَبِّيتْ

شَمالِيّة ، جنُوبِيَّة ، بنتْ الساحل و الوَسَطْ ولاّ قبلِيَّة

انتي مْرَا وأكثرْ مالنُّصْ

انتي المُوتْ للرّجعِيَّة

[/et_pb_text][/et_pb_column_inner][/et_pb_row_inner][/et_pb_column][et_pb_column type=”1_4″][et_pb_sidebar admin_label=”Sidebar” orientation=”right” background_layout=”light” area=”sidebar-1″ remove_border=”off”] [/et_pb_sidebar][/et_pb_column][/et_pb_section]

Please follow and like us: